Datos da asociación

Correo-e: pormaisvida2011@gmail.com Telf: 639 788 038

lunes, 20 de abril de 2015

CURSO DE REPOSTERÍA SALADA 
impartida por GASCÓN en Ferrol
Comezamos o xoves día 16 de abril

Despois da excelente experiencia a finais de 2013, onde aprendemos a elaborar os productos de Nadal como os polvoróns, o turrón e outros doces como galletas ou pastas de té, repetimos experiencia con este gran profesional.
Este ano apostamos por un toque diferente e imos a facer repostería salgada.
Poñemos aquí algúns dos momentos dos días 16 e 17 de abril.












miércoles, 18 de marzo de 2015

3º CHARLA DE MARZO SAUDABLE 
Martes 17 de marzo:

Hoxe martes rematamos o ciclo destas charlas e tocoulle o turno a Javier Castro Alvariño, 
gastroenterólogo e xefe do aparato dixestivo do CHUF,
co tema  ESTRATEXIAS DE PREVENCIÓN DO CANCRO COLORRECTAL.

Tivemos a sorte de volver a contar con este profesional por segundo ano consecutivo, polo interese do tema e pola campaña de prevención desta enfermidade que se está lavando a cabo neste concello e na maioría da área sanitaria de Ferrol.









Tamén contamos coa presenza do médico Francisco Malvar representando ao Centro de Saúde de Fene.
Na charla falouse de que é o cancro de colón, dos síntomas, como se vai desenvolvendo, medidas para previr como a alimentación e evitar malos hábitos, ...do plan que se está levando a cabo coas probas de cribado de colón nunhas idades determinadas, de 50-70 anos,
que outro tipo de probas e en que consisten dependendo do resultado da primeira, de elevada estatística de curación. Destacouse a gran participación da xente da comarca, pero aínda deben subir máis estes índices, animando a todas as persoas a participar se reciben esa carta pois é moi sinxela.

viernes, 13 de marzo de 2015

2ª CHARLA DE MARZO SAUDABLE O XOVES 12 DE MARZO











Elena Regaldie Mira falounos da IMPORTANCIA DA SAÚDE DO PÉ,
Dende as unllas (alteracións, crecemento,...), problemas como poden ser as durezas, callos, fungos, papilomas, unllas encarnadas; os consellos para o cuidado diario deles e tamén para usar o calzado máis axeitado (altura de tacón, materiais, parte dianteira,...).













































O martes 10 de marzo estivemos en Radio Fene para falar de Marzo Saudable e das seguintes actividades para a primaveira:
op=FichaNova&ID=17369http://www.radiofusion.eu/manager.php?p=FichaNova&ID=17369

domingo, 8 de marzo de 2015

O XOVES 5 DE MARZO COMEZAMOS O CICLO DE CHARLAS NESTE MES.

José Barcia Tucelli presentounos:
CAMBIA DE HÁBITOS: METE AO EXERCICIO NA TÚA VIDA,
como licenciado en Educación Física e Psicoloxía,
falounos do benestar que supón a practica da actividade física axeitada a cada persoa, xunto coa dieta saludable e outros condicionantes,...






miércoles, 4 de febrero de 2015


LECTURA DO MANIFESTO COAS SOCIAS DE POR+VIDA que asisten a clase de Educación Física contra a fatiga oncolóxica.
Hoxe quixemos xuntarnos as persoas, a maioría delas fundadoras desta asociación, e lembramos as que non poideron estar por diferentes motivos, para lembrar o día de hoxe, unha xornada para concienciar á poboación desta enfermeddade  e reivindicar unha serie de medidas para mellorar a asistencia sanitaria e a calidade de vida dos enfermos oncolóxicos. Tampouco nos esqucemos e nos solidarizamos con outros enfermos como da Hepatite C ou de enfermidades raras, por sentirnos discriminados polas autoridades sanitarias.

#STOPCANCRO
#LOITANDO TODOS OS DÍAS DO ANO


4 DE FEBREIRODÍA MUNDIAL DA LOITA CONTRA O CANCRO



No día de hoxe, 4 de febreiro Día Mundial Contra o Cancro, queremos facernos un pouco máis visíbeis para a cidadanía. Esta xornada instaurada dende o ano 2000 naceu para mellorar a concienciación e mobilizar á sociedade e camiñar cara a prevención e o control desta enfermidade que, segundo a OMS, causou a morte de máis de oito millóns de persoas en 2012. En España prevese que para o ano 2015 haxa 227.000 novos casos e 108.390 defuncións por esta causa. A isto hai que engadir o enorme custo social e económico, que no 2008 alcanzou o 1,07% do PIB da UE (unha parte do mesmo debido ás mortes prematuras e as secuelas da enfermidade). Porén, pese a que o 30% dos cancros teñen orixes ben identificables (o tabaquismo, a obesidade, o sedentarismo, o consumo de alcol e unha mala alimentación), non existen políticas serias de prevención primaria que inclúan unha decidida aposta pola educación para a saúde. De feito, as enfermas e os enfermos oncolóxicos asistimos a unha progresiva depauperación da asistencia sanitaria que recibimos como consecuencia duns recortes que deixaron a sanidade pública con 20.000 millos de euros menos en tres anos, o que nos convirte en dobres vítimas: vítimas da enfermidade e vítimas da precarización sanitaria. Coma outros colectivos de enfermos crónicos, as e os pacientes oncolóxicos somos reféns dunha crise que non provocamos. Tamén se nos demoran os tratamentos máis efectivos e novidosos porque se consideran demasiado custosos para as arcas públicas. Tamén se nos obriga a prescindir das medicacións necesarias para sobrelevar os efectos secundarios e as secuelas por non poder pagalas. 

Data sinalada, pero é un día máis para a loita e a esperanza, como foi onte e será mañá. Non queremos lembrarnos só con ornamentos sobre a nosa vestimenta nen engalanar á xente. Queremos ser escoitadas e escoitados e demandar melloras para a nosa saúde. E esto pasa por proporcionar unha mellor calidade de vida e mellorar as condicións sanitarias. Desgraciadamente non somos o único grupo que non recibe a atención precisa nun país onde está esmorecendo a fortaleza do noso sistema sanitario público polo desleixo de quen ten a obriga de protexela e fortalecela, sobre todo neste momento económico tan crítico, onde as máis desprotexidas e desprotexidos quedan sen apenas cobertura sanitaria e se vulnera un dos dereitos básicos das e dos cidadáns. 

Nós, AUSO (Asociación de Usuarios do Servizo de Oncoloxía do CHUS), POR+VIDA Asociación Oncohematolóxica
ASOTRAME (Asociación Galega de Trasplantados de Médula Ósea), 
ADICAM (Asociación de Diagnosticad@s de Cancro de Mama) 
e PUNTO E SEGUIDO
(Asociación Galega de Mulleres Afectadas por Cancro de Mama) alzamos a voz, seguimos reclamando e nos diriximos ás autoridades sanitarias para buscar solucións aos problemas e deficiencias que inciden negativamente na atención ás persoas afectadas polo cancro.

Unha vez máis, esiximos:

1. Políticas de prevención eficaz que inclúan a educación para a sáude.
2. Unha atención integral e multidisciplinar aos enfermos.
3. A dotación dos recursos humanos e materiais suficientes para ser tratados coa dignidade á
que temos dereitos como pacientes.
4. A eliminación dos copagos sanitarios e a dispensación dos tratamentos recomendados polas oncólogas e oncólogos sen inxerencias dos cargos político-administrativos.

Agardamos que as e os responsables da xestión da sanidade pública demostren o seu compromiso no tratamento e loita contra o cancro con políticas deseñadas para mellorar a calidade asistencial e a calidade de vida das enfermas e enfermos oncolóxicos en lugar de castigarnos facéndonos padecer as restricións provocadas polos recortes.

No día de hoxe tampouco queremos esquecer as compañeiras e compañeiros enfermos crónicos como as e os doentes da Hepatite C pola negación á medicación específica que precisan, ou de enfermidades denominadas raras, e desgraciadamente tantas outras, pois consideramos
que a saúde non é un negocio.

martes, 3 de febrero de 2015



Mañá mércores 4 de febreiro 
é 
o Día Mundial contra o Cancro

Onte, hoxe e mañá seguiremos loitando con esta enfermidade
esixindo melloras na atención sanitaria e na calidade de vida.